ԵՐԵՎԱՆ, 9 հունիսի – Sputnik. Եթե ժամանակին գնորդը նախընտրում էր իրեն ծանոթ ու ստուգված ապրանքանիշները, ապա այսօր երիտասարդությունն անընդհատ նորին է ձգտում: Այդ պատճառով ընկերությունների համար դժվարացել է ապրանքի ու ծառայությունների վաճառքը:
Այնուհանդերձ, շուկայի մեծ մասը կառավարում են աշխարհի խոշորագույն ապրանքանիշները, որոնց արժեքը մեկ տարվա ընթացքում բարձրացել է 3 %- ով: Millward Brown հետազոտական գործակալությունը հերթական BrandZ վարկանիշային ցանկն է կազմել Financial Times-ի համար։
Այս տարի առաջին հորիզոնականները զբաղեցրել են ՏՏ ոլորտի կազմակերպությունները`Google-ը (229 մլրդ դոլար), Apple-ը (228 մլրդ դոլար), Microsoft-ը (122 մլրդ դոլար) և Facebook-ը (103 մլրդ դոլար):
Coca-Cola-ն առաջին անգամ դուրս է մնացել լավագույն տասնյակից և զբաղեցրել 13-րդ հորիզոնականը: Ապրանքանիշի արժեքը չորս տոկոսով նվազել է, քանի որ իշխանությունը պայքար է սկսել շաքարի մեծ քանակություն պարունակող ըմպելիքների դեմ:
