ԵՐԵՎԱՆ, 9 հունիսի — Sputnik. Նախատեսված է ստուգումներ իրականացնել հետևյալ ոլորտներում`հանրային սննդի կազմակերպում, մսամթերքի արտադրություն, կրեմային հրուշակեղենի արտադրություն, ոչ կենդանական ծագման մթերքների և խոհարարական արտադրանք, ձկնամթերքի արտադրություն։
«Ստուգումները կարող են իրականացվել պետական կառավարչական հիմնարկներում` ՊՈԱԿ-ներում, ՀՈԱԿ-ներում, 100% պետական կամ համայնքային բաժնեմասով ՓԲԸ-ներում, ՀՀ քրեական դատավարության օրենսգրքով նախատեսված դեպքերում, տնտեսավարող սուբյեկտների գրավոր դիմումի հիման վրա, մանկապարտեզներում և դպրոցներում երեխաների սննդի կազմակերպման նկատմամբ իրականացվող ստուգումների, հանրային անվտանգության, անձանց իրավունքների, կյանքի և առողջության պաշտպանության, պետության պաշտպանության և անվտանգության ապահովման դեպքերում՝ միայն ՀՀ վարչապետի գրավոր համաձայնությամբ, որոշման հավելվածով հաստատված տեսչությունների ստուգումների ստուգաթերթերով` ստուգումների տարեկան ծրագրում ընդգրկված և բարձր ռիսկային խմբում գտնվող սուբյեկտների մոտ»,- ասաց Դավիթ Հարությունյանը։
ՀՀ կառավարության 2015թ.-ի հուլիսի 7-ի որոշմամբ սահմանված էր, որ ստուգումները պետք է իրականացվեին 2015թ.-ի օգոստոսի 1-ից մինչև 2016թ.-ի հուլիսի 7-ն ընկած ժամանակահատվածում։
