ԵՐԵՎԱՆ, 8 հունիսի — Sputnik. Ազգային ժողովի նիստերից բացակայելու համար Գագիկ Ծառուկյանի նկատմամբ որպես պատժամիջոց կկիրառվի աշխատավարձ չստանալը, լրագրողներին ասաց ԱԺ նախագահ Գալուստ Սահակյանը։
Հարցին, թե արդյո՞ք դա միակ պատժամիջոցը կլինի, Սահակյանը հակիրճ պատասխան տվեց` այո։
«Որևէ բան չեմ անի, պատժամիջոցը հետևյալն է, որ աշխատավարձ չի ստանա»,- ասաց ԱԺ նախագահը։
Իսկ այն հարցին, թե ինչո՞վ էր պայմանավորված նախկին խիստ մոտեցումը, երբ Սերժ Սարգսյանի կողմից հանձնարարական կար` զբաղվել Ծառուկյանի բացակայություններով, Գալուստ Սահակյանն ասաց, որ այս պահին նախագահի կողմից որևէ հանձնարարական չկա։
«Ծառուկյանի գործն ուսումնասիրվել է, մնացած բոլոր գործարքները կապված է իմ տեսակետի հետ»,- ասաց նա:
ԱԺ կանոնակարգի համաձայն` նիստերից բացակայող պատգամավորների հանդեպ կիրառվող պատժամիջոցները որոշում է ԱԺ նախագահը։
