ԵՐԵՎԱՆ, 8 հունիսի-Sputnik. Իսրայելցի հնագետները գտել են արծաթե մետաղադրամներով գանձ, որոնք թվագրվում են մ.թ.ա. 135-126թթ.-ով, հաղորդում է ՌԻԱ Նովոստին` հղում անելով երկրի Հնությունների վարչությանը։
Տերը թաքցրել է մետաղադրամները ժայռի ճեղքում և անհայտ պատճառներով այդպես էլ չի վերադարձել։ Դրանք հայտնաբերվել են պեղումների ժամանակ, որոնք կատարվել են Մոդիին քաղաքի նոր թաղամասի շինարարության ժամանակ։
«Գանձը բաղկացած է 16 մետաղադրամից։ Հնարավոր է` հավաքածուի տերը հավաքածուատեր է եղել։ Նա նույն կերպ է գործել, ինչպես այժմ գործում են ֆիլատելիստները և դրամագետները»,- ասել է Հնությունների վարչության դրամագիտական բաժնի ղեկավար Ցվի Արիելը։
Գտնված արծաթե մետաղադրամները տետրադրախմներ են և դիդրախմներ, որոնք թողարկվել են Տիր քաղաքում։ Դրանց վրա պատկերված են արքաների կիսադեմեր` Սելևկյանների դինաստիայի Անտիոք VII-ի և Դեմետրիոս II-ի։
