ԵՐԵՎԱՆ, 6 հունիսի — Sputnik. Հայաստանի Հանրապետական կուսակցության և ՀՅԴ-ի խորհուրդը, որը նախատեսվում է ստեղծել կուսակցությունների համագործակցության մասին համաձայնագրի շրջանակում, առաջին նիստն անցկացրել է մայիսի կեսերին, լրագրողներին ասաց ՀՅԴ խմբակցության ղեկավար Արմեն Ռուստամյանը։
Երկու կուսակցության միջև քաղաքական կոալիցիան ստեղծվել է 2016 թվականի փետրվարին։
«Ապրիլյան պատերազմը խախտեց մեր գրաֆիկը, սակայն առաջին նիստը կայացավ։ Խորհրդի առաջին նիստը տեղի ունեցավ մոտ 20 օր։ Յուրաքանչյուր կուսակցությունից 4 ներկայացուցիչ մասնակցեց։ Որոշվեց հետագա աշխատանքների գրաֆիկը, մասնավորապես` հակակոռուպցիոն պայքարի և մենաշնորհների հետ կապված», — ասաց Ռուստամյանը։
Նրա խոսքով` համագործակցության մասին համաձայնագիրը պետք է գործողությունների ծրագիր դառնա։ Այժմ կողմերն իրենց ծրագրերն են պատրաստ, այնուհետև դրանք պետք է համատեղվեն։
Ռուստամյանի խոսքով` նրանք առաջարկել են, որ Խորհուրդը գլխավորի Հայաստանի նախագահ և ՀՀԿ ղեկավար Սերժ Սարգսյանը։
«4/4 ձևաչափով անցկացված առաջին նիստում պայմանավորվածություն ձեռք բերվեց, որ հետագայում նունյպես նիստերը կանցկացվեն այդ ձևաչափով, սակայն կնախագահի երկրի նախագահը», — ասաց Ռուստամյանը։
ՀՀԿ-ն և ՀՅԴ-ն քաղաքական համագործակցության մասին համաձայնագիր են ստորագրել փետրվարի 24-ին։ Համաձայնագրի շրջանակում Դաշնակցությունը երեք նախարարական պորտֆել է ստացել` տարածքային կառավարման, գիտության և կրթության, էկոնոմիկայի, ինչպես նաև Շիրակի և Արագածոտնի մարզպետների պաշտոնները։ Դաշնակցականները վերջին անգամ կոալիցիա են կազմել ՀՀԿ-ի հետ 2009 թվականին, սակայն ինքնակամ դուրս եկել կոալիցիայի կազմից։
