ԵՐԵՎԱՆ, 3 հունիսի — Sputnik. Հայաստանի Զինված ուժերի գլխավոր շտաբի պետ, գեներալ-գնդապետ Յուրի Խաչատուրովը վիրահատվել է պաշտպանության նախարարության կենտրոնական զինվորական հոսպիտալում, Sputnik Արմենիային հայտնեց ՊՆ մամուլի քարտուղար Արծրուն Հովհաննիսյանը։
«Վիրահատությունը կատարվել է հունիսի 2-ին։ Խաչատուրովի առողջական վիճակը բժիշկները գնահատում են նորմալ», — ասաց Հովհաննիսյանը։
Ընդ որում` մամուլի քարտուղարը չնշեց, թե Հայաստանի գլխավոր շտաբի պետի մոտ ինչ է ախտորոշվել։
