«Օկեան Էլզի» անվանի ուկրաինական ռոք խմբի առաջնորդ Սվյատոսլավ Վակարչուկը Sputnik Արմենիայի հետ զրույցում ասաց. «Լեզուն, որով ստեղծագործում են աշխարհի երաժիշտները, արգելք չէ արտիստի և նրա ունկնդրի միջև»։ Մենք հետաքրքրվեցինք, թե ո՞րն է ֆենոմենը, չէ՞ որ խումբը բացառապես ուկրաիներեն է երգում, իսկ «Օկեան Էլզի» լսում և պաշտում են Ուկրաինայի սահմաններից դուրս, նույնիսկ այն դեպքում, երբ չեն հասկանում երգերի բառերը։
«Օրինակ, ես լավ եմ տիրապետում անգլերենին և լավ եմ հասկանում։ Վերջերս ընկերներիս հետ քննարկում էինք ձեր հայրենակցին` Շառլ Ազնավուրին։ Ես ֆրանսերեն չգիտեմ, չեմ հասկանում, թե ինչի մասին է նա երգում, բայց ինձ միշտ դուրս են եկել նրա երգերը»,- ասաց Վակարչուկը։
