ԵՐԵՎԱՆ, 1 հունիսի- Sputnik. Sputnik միջազգային տեղեկատվական գործակալությունն ու ռադիոն ամառվա նախաշեմին գործարկել են «Ճանապարհորդիր Sputnik-ի հետ» մուլտիմեդիոն ուղեցույցների նախագիծը։ Նախագիծն իր ընթերցողներին ամենաօգտակար, հետաքրքիր և կարևոր տեղեկություններ է ներկայացնում Աբխազիայի, Հայաստանի, Բելառուսի, Վրաստանի, Ղազախստանի, Ղրղըզստանի, Լատվիայի, Մոլդովայի, Տաջիկստանի, Ուզբեկստանի, Էստոնիայի և Հարավային Օսեթիայի մասին։
«Ճանապարհորդիր Sputnik-ի հետ» նախագիծը հանգստի երթուղիներ կառաջարկի ավելի քան 10 երկրում, կպատմի բնական և ճարտարապետական տեսարժան վայրերի, ազգային խոհանոցի գաղտնիքների և ազգային ավանդույթների մասին, կպատմի, թե ինչպես և որտեղ կարելի է հետաքրքիր ու օգտակար հանգիստ անցկացնել։
Հայաստանի բնակչությունը 2016թ.-ի հունվարի 1-ի դրությամբ կազմում է 2 միլիոն 998,6 հազար մարդ, տարածքը` 29 743 ք.կմ։ Մայրաքաղաքն է Երևանը։
Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:
