Վերջին տարիներին Հայաստանում մեծ թափ է ստանում էքստրեմալ զբոսաշրջությունը։ Դրա տեսակներից մեկը Zipline-ն է, որն արդեն հասանելի է Հայաստանում։ Sputnik Արմենիայի նկարահանող խումբը որոշել է իր օրինակով ցույց տալ, թե ինչ է Zipline-ը, և թե ինչպիսին է անդունդի վրայով ճախրելու զգացողությունը
Այդ նպատակով լրագրողները մեկնեցին Տավուշի մարզի Ենոքավան գյուղ, որտեղ 2015 թվականից գործում է Yell Extreme Park-ը։ Ճանապարհը դեպի Zipline-ի հինգ գծեր անցնում է անտառի միջով, ընդ որում` յուրաքանչյուր գիծն ինքնին բացառիկ է։ Zipline-ն այնպես է մտածված, որ անկրկնելի զգացողություն և տպավորություն թողնի։
