ԵՐԵՎԱՆ, 29 մայիսի — Sputnik. 50-ամյա իտալացու դեմ հարուցված դատական գործը քննող դատավոր Կիարա Բիտոցիի խոսքով՝ տղամարդն իրավունք ունի ալիմենտը վճարել ուտելիքով, եթե նրա աշխատավարձը բավարար չէ դստերը պահելու ծախսերը հոգալու համար: Այս մասին հայտնում է Il Gazzettino-ն:
Ամուսնալուծությունից հետո նախկին ամուսինները պայմանավորվել էին, որ տղամարդն ամեն ամիս 300 եվրո կփոխանցի իրենց դստերը պահելու համար: Սակայն հետո երեխայի հայրը, լինելով պրոֆեսիոնալ պիցմեյքեր-խոհարար, սկսել է գումարի փոխարեն պիցցա ուղարկել:
Կնոջը դուր չի եկել գումարը պիցցայով փոխարինելու տարբերակը, ու նա դիմել է դատարան, սակայն դատարանը որոշել է, որ տղամարդը կարող է ալիմենտը վճարել պիցցայով:
