ԵՐԵՎԱՆ, 29 մայիսի- Sputnik. Ռոստովի մարզի հայ համայնքի նվիրատվությունների շնորհիվ Արցախ կուղարկվի չորս նոր «ՈՒԱԶ» մակնիշի մեքենա, որոնցից երեքը ռեանիմոբիլներ են:
Եգորլիկսկի շրջանի հայ համայնքի ղեկավար Արգիշտի Հովհաննիսյանը Sputnik Արմենիային հայտնեց, որ Լեռնային Ղարաբաղի համար հանգանակություն է հավաքվել ողջ Ռոստովի մարզում:
Ավելի վաղ հավաքված գումարով շինանյութ էր ուղարկվել Արցախ: Եգորլիկսկի և Ցելինսկի շրջաններում բնակվող հայերը 2 մլն 800 հազար ռուբլի են հավաքել:
«Աշխարհին պետք է ցույց տալ, որ մենք մի ամբողջություն ենք»,- ասաց Հովհաննիսյանը:
Նա նշեց, որ Ռոստովի հայ համայնքը համախմբվում է համահայկական նշանակություն ունեցող բոլոր իրադարձությունների ժամանակ: Ապացույցներից մեկն էլ ավտովազքն է, որը կազմակերպվել էր Հայոց ցեղասպանության զոհերի հիշատակի օրը:
