ԵՐԵՎԱՆ, 29 մայիսի — Sputnik. Դավիթ Ավանեսյանը Շեյլ Մոսլիին հաղթեց WBA վարկածով կիսամիջին քաշային կարգում ժամանակավոր չեմպիոնական գոտու համար մղվող պայքարում:
Շաբաթ օրը Գլենդելում կայացած մենամարտում մրցավարների միաձայն որոշմամբ հաղթող ճանաչվեց Դավիթ Ավանեսյանը:
27-ամյա բռցքամարտիկի համար սա պրոֆեսիոնալ ռինգում ունեցած 22-րդ հաղթանակն էր: Առայժմ նա ընդամենը մեկ պարտություն ու մեկ ոչ-ոքի է գրանցել: 44-ամյա Մոսլին իր մարզական կարիերայի ընթացքում ունեցել է 49 հաղթանակ, 10 պարտություն և մեկ ոչ-ոքի:
