Արջի քանդակի հեղինակն է Հայաստանի վաստակավոր նկարիչ, քանդակագործ Արա Ալեքյանը: 900կգ մետաղի ջարդոնից հավաքված քանդակն ունի 3 մետր երկարություն և 2,5 մետր բարձրություն:
«Ես ուզում եմ զարդարել իմ քաղաքը: Որպես քանդակագործ` ցանկանում եմ անել այն, ինչ կարող են ձեռքերս: Հիմա մեծ բավարարվածություն եմ զգում երկար աշխատանքից հետո: Իսկ դուր կգա ժողովրդին, թե ոչ, դեռ կտեսնենք»,- ասաց քանդակագործը:
Քանդակը կարող է երկար չմնալ Երևանում, եթե արտասահմանից գնորդ գտնվի: Չնայած դրան՝ երկաթե արջի քանդակագործը հուսով է, որ իր ստեղծագործությամբ կհետաքրքրվեն Հայաստանի արվեստասերները: Ալեքյանի ստեղծած քանդակ-կենդանիները աշխարհի տարբեր երկրներում են, այդ թվում՝ Ռուսաստանում, Բելգիայում, Թուրքիայում, Իտալիայում և Գերմանիայում:
