ԵՐԵՎԱՆ, 25 մայիսի — Sputnik. «Հայանտառ» ՀԿ աշխատակիցների քանակի կրճատումը դրական կազդի անտառի պահպանման վրա, կարծում է գյուղատնտեսության նախարար Սերգո Կարապետյանը։
«Օրինակ` «Հայանտառ» ՊՈԱԿ-ում նախատեսվում է մոտավորապես 60 մարդու կրճատում: Այնտեղ հիմա աշխատում է մոտավորապես 950 մարդ: Սա ամբողջ Հայաստանի մասշտաբով այդքան էլ մեծ թիվ չէ, մենք 335 հազար հեկտար անտառ ունենք, կարող ենք ասել, որ դրանք պահպանելու համար մենք մի բան էլ քիչ աշխատողներ ունենք»,- ասաց նախարարը:
Այն հարցին, եթե «Հայանտառում» կրճատումներ լինեն, չե՞ն ավելանալու անտառահատումների դեպքերը, նախարարն ասաց` որքան պահակներին շատ կրճատենք, այնքան կպակասի:
Նա ընդգծեց, որ գյուղատնտեսության նախարարի պաշտոնը զբաղեցնելուց հետո գյուղատնտեսության ծախսերը կտրուկ նվազել են։ Կարապետյանն ընդգծել է, որ միշտ պայքարել է ավելորդ ծախսերի դեմ, նույնիսկ խնայել է հոսանքն ու ջուրը։
