ԵՐԵՎԱՆ, 25 մայիսի — Sputnik. ՀՀԿ գրասենյակում ներկաներին ողջունեց կուսակցության փոխնախագահ Արմեն Աշոտյանը, այնուհետև ներկայացվեց ԵԺԿ նախագահ Ժոզեֆ Դոլի տեսաուղերձը։
«Մենք կերտել ենք ԵՄ-ն։ Մեր հիմնադրման օրից մինչ օրս մենք եղել ենք առաջինը, ով օգնել է Կենտրոնական և Արևելյան երկրներին ազատվել կոմունիստական կարգերից` նրանց ուղեկցելով դեպի ժողովրդավարություն, շուկայական տնտեսություն և Եվրոպա»,- իր ուղերձում ասաց Ժոզեֆ Դոլը։
![Կառավարության աշխատակազմի ղեկավար-նախարար Դավիթ Հարությունյանը Եվրոպայի ժողովրդական կուսակցության 40-ամյակին նվիրված ընդունելության ժամանակ Կառավարության աշխատակազմի ղեկավար-նախարար Դավիթ Հարությունյանը Եվրոպայի ժողովրդական կուսակցության 40-ամյակին նվիրված ընդունելության ժամանակ - Sputnik Արմենիա](https://cdn.am.sputniknews.ru/img/359/51/3595171_0:0:1600:1004_600x0_80_0_0_953ac75d091678603accc2e21eb8acc5.jpg)
![Արդարադատության նախարար Արփինե Հովհաննիսյանը Եվրոպայի ժողովրդական կուսակցության 40-ամյակին նվիրված ընդունելության ժամանակ Արդարադատության նախարար Արփինե Հովհաննիսյանը Եվրոպայի ժողովրդական կուսակցության 40-ամյակին նվիրված ընդունելության ժամանակ - Sputnik Արմենիա](https://cdn.am.sputniknews.ru/img/359/50/3595079_0:0:1599:1004_600x0_80_0_0_44033e49ac75796116eb899cb57a17ef.jpg)
![Երևանի քաղաքապետ Տարոն Մարգարյանն ու ԱԺ նախագահ Գալուստ Սահակյանը Եվրոպայի ժողովրդական կուսակցության 40-ամյակին նվիրված ընդունելության ժամանակ Երևանի քաղաքապետ Տարոն Մարգարյանն ու ԱԺ նախագահ Գալուստ Սահակյանը Եվրոպայի ժողովրդական կուսակցության 40-ամյակին նվիրված ընդունելության ժամանակ - Sputnik Արմենիա](https://cdn.am.sputniknews.ru/img/359/53/3595359_0:0:1599:1004_600x0_80_0_0_572df18492139fd86d68b06870f35f83.jpg)
![ԵՄ դեսպան Պյոտր Սվիտալսկին և ՀՀ արտգործնախարար Էդվարդ Նալբանդյանը ԵՄ դեսպան Պյոտր Սվիտալսկին և ՀՀ արտգործնախարար Էդվարդ Նալբանդյանը - Sputnik Արմենիա](https://cdn.am.sputniknews.ru/img/359/48/3594886_0:0:1599:1004_600x0_80_0_0_09c5e907a5104fb74bbec963928a61c5.jpg)
![Եվրոպայի ժողովրդական կուսակցության 40-ամյակին նվիրված ընդունելությունը Եվրոպայի ժողովրդական կուսակցության 40-ամյակին նվիրված ընդունելությունը - Sputnik Արմենիա](https://cdn.am.sputniknews.ru/img/359/46/3594666_0:63:1599:1068_600x0_80_0_0_327c2d298e45c269fb9340f42b40ca16.jpg)
![Գալուստ Սահակյանը, Տարոն Մարգարյանն ու Կարեն Ավագյանը Գալուստ Սահակյանը, Տարոն Մարգարյանն ու Կարեն Ավագյանը - Sputnik Արմենիա](https://cdn.am.sputniknews.ru/img/359/45/3594570_13:0:1576:982_600x0_80_0_0_6cbbb65f1281feba48cd376dcd34bab6.jpg)
Ժոզեֆ Դոլն իր խոսքում նշեց նաև, որ ԵԺԿ անդամ կուսակցությունները ևս վերջին 4 տարիներին սատարել են Եվրոպական համայնքի ստեղծման ծրագրերին։ Ի դեպ, բացի ՀՀԿ-ից ԵԺԿ անդամ են նաև ՕԵԿ-ը, «Ժառանգությունը»։
«Ես եղել եմ Հայաստանում անցյալ տարի, Հայոց ցեղասպանության 100-րդ տարելիցի կապակցությամբ, որպեսզի հարգանքի տուրք մատուցեի 20-րդ դարի այդ մեծ ողբերգության զոհերի հիշատակին։ Ես խորապես ազդված էի»,- նշեց ԵԺԿ նախագահը` ավելացնելով, որ Հայաստանը ԵԺԿ–ի կարևոր գործընկերն է տարածաշրջանում։
«Մենք միասին աշխատելու կարիք ունենք, որպեսզի դիմակայենք մեզ սպառնացող անվտանգության մարտահրավերներին։ Եվ բոլորը կունենան կայուն, բարգավաճ, լիարժեքորեն ժողովրդավարական և հարևանների հետ խաղաղ գոյակցող Հայաստան»,- իր ուղերձում ասաց Դոլը։
ԵԺԿ 40-ամյակի կապակցությամբ ՀՀԿ գրասենյակում կազմակերպված ընդունելությանը ներկա էին ԵՄ դեսպանը, ԵՄ անդամ երկրների դեսպաններ, ՀՀ կառավարության անդամներ, Ազգային ժողովի պատգամավորներ, ԵԺԿ անդամ այլ կուսակցությունների ներկայացուցիչներ։