ԵՐԵՎԱՆ, 25 մայիսի- Sputnik. Հայաստանի Ազգային ժողովը երրորդ և վերջնական ընթերցմամբ ընդունեց երկրի նոր Ընտրական օրենսգիրքը։
Կառավարության աշխատակազմի ղեկավար-նախարար Դավիթ Հարությունյանի խոսքով` երկրորդ ընթերցմամբ ընդունելուց հետո օրինագծում կատարվել են մի շարք ոչ մեծ փոփոխություններ և ճշտումներ։
«Ավելացվել է մեկ կարևոր տող։ Ընտրություններից հետո պետք է առանձին հրապարակվի այն դեպքերի ցուցակը, երբ սարքն ավտոմատ կերպով հաշվել է ընտրողի տվյալները, և երբ դա արվել է ձեռքով»,- ասաց Հարությունյանը` ներկայացնելով օրինագիծը։
«Այդ պատճառով մենք «դեմ» ենք քվեարկում, բայց հույս ունենք, որ համաձայնություն ձեռք բերելու ուղղությամբ աշխատանքը կշարունակվեն»,- ասաց Զուրաբյանը։
Նոր ԸՕ-ով նախատեսվում է ընդունել 2017թ.-ի հերթական խորհրդարանական ընտրությունների նախաշեմին։ Նոր ԸՕ մշակումը և ընդունումը պայմանավորված է սահմանադրական բարեփոխումով, որով ենթադրվում է, որ երկիրն անցում կկատարի կառավարման նախագահական ձևից խորհրդարանականի։ Կառավարման ձևը փոխելու վերաբերյալ հանրաքվեն տեղի է ունեցել Հայաստանում 2015թ.-ի դեկտեմբերի 6-ին։ Հայաստանի կառավարությունը մարտի 3-ին հաստատել է նոր ԸՕ նախագիծը։ Խորհրդարանն ապրիլի 28-ին ձայների մեծամասնությամբ առաջին ընթերցմամբ ընդունել է այդ նախագիծը։
Քվեարկությունից հետո «Հայ ազգային կոնգրես» և «Օրինաց երկիր» ընդդիմադիր կուսակցությունների խմբակցությունների ներկայացուցիչները հայտարարեցին գործընթացի անօրինականության մասին, քանի որ նրանց հնարավորություն չի տրվել արտահայտվել մինչև արդյունքները հայտարարելը։ Ընդդիմության հիմնական պահանջներն են` քվեարկողների ցուցակների պաշտոնական հրապարակումը և դրանցից այն քաղաքացիների ազգանունները հանելը, որոնք մահացել են կամ երկար տարիներ չեն բնակվում Հայաստանում։ Ընդդիմությունը հենց այդ քաղաքացիներին է համարում այն ֆոնդը, որից իշխանություններն իբր ձևավորում են գոյություն չունեցող ձայներ։ Իշխանությունները հրաժարվում են հրապարակել քվեարկած անձանց ցուցակները` հղում անելով Վենետիկի հանձնաժողովի եզրակացությանը։
Իշխանությունները համաձայն չեն ցուցակներից հանել երկրից վաղուց մեկնած անձանց` պնդելով, որ չի կարելի այդ քաղաքացիներին զրկել ձայնի իրավունքից։ Ինչպես ավելի վաղ նշել էր Դավիթ Հարությունյանը, ով նախագծի մշակողներից մեկն է, շտկումների հիմքում ընկած են բարեփոխված սահմանադրության սկզբունքները։ Նրա խոսքով` փորձ է արվել ստեղծել մեխանիզմներ, որոնք թույլ են տալիս խուսափել ավանդական ընտրակեղծիքներից, ինչպիսիք են ավելորդ ընտրաթերթիկներ գցելը, մի քանի անգամ քվեարկելը, այսպես կոչված` «կարուսել» կիրառելը։ Շտկումներով ենթադրվում է ընտրացուցակներ ձևավորել նաև էլեկտրոնային տեսքով, ինչը թույլ կտա բացառել ազգանունների կրկնությունը և գոյություն չունեցող անձանց ցուցակներում ներառելը։
