ԵՐԵՎԱՆ, 24 մայիսի — Sputnik. Գագիկ Բեգլարյանը թիկնապահներ չունի և չունի որևէ առնչություն այն միջադեպի հետ, որի մասին տեղեկատվություն է տարածվել լրատվամիջոցներով և որի վերաբերյալ ՀՀ քննչական կոմիտեն հաղորդագրություն է տարածել, հայտնում են ՀՀ տրանսպորտի և կապի նախարարությունից։
«Լրատվամիջոցներով տարածված տեղեկատվության և ՀՀ քննչական կոմիտեի հայտարարության համաձայն՝ ՀՀ տրանսպորտի և կապի նախարարության բակային հատվածում 2016 թվականի մայիսի 16-ին՝ ժամը 16:30-ի սահմաններում տեղի է ունեցել միջադեպ, որի կապակցությամբ հարկ ենք համարում տեղեկացնել, որ ՀՀ տրանսպորտի և կապի նախարար Գագիկ Բեգլարյանը թիկնապահներ չունի, և նշված միջադեպի հետ որևէ առնչություն չունի»,- ասված է հաղորդագրության մեջ։
ԶԼՄ–ները նշում էին, որ ձերբակալվածները ՀՀ տրանսպորտի և կապի նախարար Գագիկ Բեգլարյանի թիկնապահներն են եղել։
