ԵՐԵՎԱՆ, 23 մայիսի — Sputnik. Ադրբեջանի դեմ զանգվածային զենք կիրառելու մասին խոսակցությունները հերյուրանք են, լրագրողներին ասաց Հայաստանի պաշտպանության նախարար Սեյրան Օհանյանը։
«Հայկական կողմից զանգվածային զենք կիրառելու մասին խոսակցություններն ու լուրերը հերյուրանք են ու բացահայտ սուտ»,- ասաց Օհանյանը։ Նրա խոսքով` ադրբեջանական կողմն իր հերթին պետք է պատասխան տա այն ռազմական հանցագործությունների համար, որոնք կատարել է Ղարաբաղի ժողովրդի դեմ։
Նա նշեց, որ Ադրբեջանին ռազմական հանցագործությունների համար պատասխանատվության ենթարկելու հարցով պաշտպանության նախարարությունը իրավապահ ոլորտի հետ մեկտեղ աշխատանքներ է իրականացնում:
«Նախարարությունն արդեն համապատասխան նյութեր է պատրաստել և նշված գործընթացում իր դերակատարումն ունենալու է: Մենք ամեն ինչ պետք է անենք, որպեսզի ճիշտը ջրի երես դուրս գա»,- ասաց Օհանյանը։
