ԵՐԵՎԱՆ, 23 մայիսի – Sputnik. Ավտովթարը տեղի էր ունեցել Գյումրիում մայիսի 23-ին Ժամը 01:00-ի սահմաններում: Գյումրի քաղաքի բնակիչ 1989 թվականին ծնված Արկադի Թորոսի Ղարիբյանն իր վարած Ford Transit մակնիշի միկրոավտոբուսով Երևանից վերադառնալիս Գյումրիի Երևանյան խճուղում դուրս էր եկել ճանապարհի երթևեկելի հատվածից և բախվել էլեկտրասյանը:
Ուղևորներից 1968թ. ծնված Տիգրան Խաչատրյանը տեղում մահացել է, ևս 8-ը տեղափոխվել են «Գյումրի» Բժշկական Կենտրոն: Բժիշկները վթարից տուժած ուղևորների վիճակը գնահատում են միջին ու ծանր: Հիվանդներից 4-ը գտնվում են վերակենդանացման, իսկ մյուս 4-ը՝ վիրաբուժական բաժանմունքներում: 3-ը վիրահատվել են նրանց վիճակը գնահատվում է կայուն ծանր, ևս մեկի մոտ առկա են դեմքի և վերջույթների քերծվածքներ:
«Տուժածները հիմա շոկային վիճակից դուրս են եկել ու պատրաստվում են փուլային վիրահատության»,- նշում են կենտրոնի մամուլի ծառայությունից:
Ըստ տեղեկությունների՝ տուժածները Գյումրիում շուկայի առևտրով զբաղվողներ են: Նրանք մեկնել էին Երևան` հուղարկավորության մասնակցելու։ Որոշ տեղեկությունների համաձայն` Երևանից վերադառնալու ճանապարհին դիմացից եկող մեքենայի լուսարձակներից կուրանալով՝ վարորդը կորցրել է մեքենայի կառավարումն ու բախվել էլեկտրասյանը:
