ԵՐԵՎԱՆ, 23 մայիսի — Sputnik. Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 12-րդ կետով և հիմք ընդունելով «Զինվորական ծառայություն անցնելու մասին» Հայաստանի Հանրապետության օրենքի 51-րդ հոդվածի 1-ին մասի 2-րդ կետը և 52-րդ հոդվածի 1-ին մասի 1-ին կետը` Սերժ Սարգսյանը որոշել է գեներալ-մայոր Մելսիկ Չիլինգարյանին ազատել Հայաստանի Հանրապետության զինված ուժերի սպառազինության պետ-վարչության պետի պաշտոնից։ Այս մասին հայտնում է ՀՀ նախագահի մամուլի ծառայությունը։
Հիշեցնենք, որ մայիսի 14-ին ՀՀ նախագահը աշխատանքից ազատել էր նաև ՀՀ զինված ուժերի կապի զորքերի պետ Կոմիտաս Մուրադյանին, ՀՀ զինված ուժերի գլխավոր շտաբի հետախուզության վարչության պետ Արշակ Կարապետյանին, ՀՀ պաշտպանության նախարարի տեղակալ-նյութատեխնիկական ապահովման դեպարտամենտի պետ Ալիկ Միրզաբեկյանին։
