ԵՐԵՎԱՆ, 22 մայիսի — Sputnik. Ահաբեկչություն է տեղի ունեցել Սիրիայի Քամըշլի քաղաքում, հայտնում է arevelk-ը:
Լրատվամիջոցը, վկայակոչելով սեփական աղբյուրները, հայտնում է, որ պայթյունը տեղի է ունեցել քրիստոնեաբնակ թաղամասում:
Նախնական տվյալներով՝ զոհվել է երեք մարդ, կան տասնյակ վիրավորներ:
Վիրավորներ թվում նշվում են նաև հայերի անուններ՝ Խաչիկ Կարապետ, Սամուել Պարսում, Դավիթ Դալդըյան:
Նախնական վարկածի համաձայն՝ պայթյունն իրականացրել է մահապարտ ահաբեկիչը, ով եղել է «Իսլամական պետություն» ահաբեկչական խմբավորումից:
Պայթյունից հետո ԻՊ-ի զինյալները կրակ են բացել անցորդների վրա: Գրանցվել են զոհեր և վիրավորներ:
Քամըշլիում Սիրիայի կառավարական զորքերի կողքին իշխող ուժ են համարվում նաև շրջանի քրդերը, իսկ հայկական շրջանների անվտանգությունն ապահովում են տեղի հայկական մարմինները:
