ԵՐԵՎԱՆ, 22 մայիսի- Sputnik. Հանրապետության տարածքում մայիսի 22-ին, 26-ին առանձին շրջաններում, 23-25-ը շրջանների մեծ մասում գիշերվա առաջին կեսին և օրվա երկրորդ կեսին սպասվում է կարճատև անձրև և ամպրոպ, առանձին հատվածներում հնարավոր է կարկուտ, հայտնում է ՀՀ ԱԻՆ-ը:
Քամին կլինի հարավ-արևմտյան՝ 2-7 մ/վ արագությամբ, ամպրոպի ժամանակ հնարավոր է քամու ուժգնացում‵ 15-20 մ/վ:
Օդի ջերմաստիճանը մայիսի 23-ին կբարձրանա 2-3 աստիճանով:
Երևանում մայիսի 22-ին, 26-ին՝ երեկոյան ժամերին, հնարավոր է ամպրոպ, կա կարճատև անձրևի հավանականություն:
Մայիսի 23-25-ի գիշերվա առաջին կեսին և օրվա երկրորդ կեսին սպասվում է կարճատև անձրև և ամպրոպ, ամպրոպի ժամանակ‵ քամու ուժգնացում‵ 15-17 մ/վ:
Երևանում կիրակի կլինի ցերեկը 26-28, գիշերը` 14-16 աստիճան տաքություն:
