Արդեն ներկայացվել են 11 դիզայների աշխատանքները: Ցուցահանդեսում կարելի էր տեսնել ինչպես Երևանում, այնպես էլ արտասահմանում բնակվող հայ վարպետների լավագույն աշխատանքները:
11 ցուցանմուշից 3-ի հեղինակներն ապրում են Ռուսաստանում և Ուկրաինայում: Հավաքածուն ներկայացնում է ոչ միայն կայացած դիզայներների, այլև սկսնակ ու տաղանդավոր վարպետների աշխատանքները: Հարթակի հիմնադիրները ընկերուհիներ են` Նաիրի Խաչատրյանը, Էմմա Հարությունյանը և Ասյա Յավուրյանը:
«Հայաստանում երկու կայացած հարթակ կա, որտեղ մարդիկ գնումներ են կատարում՝ բրենդային խանութներն ու «Վերնիսաժը»: Մենք էլ որոշեցինք բացել այնպիսի մի անկյուն, որտեղ կներկայացվեն երիտասարդ և տաղանդավոր հայ վարպետների հետաքրքիր առաջարկները», — Sputnik Արմենիայի թղթակցի հետ զրույցում ասաց Նաիրի Խաչատրյանը:
Ցուցահանդես-վաճառքը կտևի տասը օր:
