ԵՐԵՎԱՆ, 20 մայիսի- Sputnik. Եվրասիական տնտեսական միության երկրների համար բժշկական արտադրանքի ընդհանուր շուկան նախատեսվում է բացել մինչև 2016թ.-ի վերջ։ Այս մասին նշված է Եվրասիական տնտեսական հանձնաժողովի պաշտոնական կայքում։
ԵՏՄ շրջանակում բժշկական արտադրանքի շրջանառության միասնական սկզբունքները ենթադրում են շրջանառության մեջ մտնելուց առաջ դեղորայքի ընդհանուր մակնշում, բժշկական հաստատությունների անձնակազմի և հիվանդների անվտանգության նորմերի համապատասխանեցում։ ԵՏՀ խորհրդի որոշումներով հաստատվել են նաև դեղերի տեխնիկական փորձարկումների կանոնները և կազմակերպության անդամ երկրներում արտադրանքի միասնական ռեեստրը։
«Ենթադրվում է, որ ԵՏՄ-ում բժշկական արտադրանքի ընդհանուր շուկայի ամբողջական գործարկումը տեղի կունենա մինչև այս տարվա վերջ»,- նշված է հաղորդագրությունում։
