ԵՐԵՎԱՆ, 20 մայիսի- Sputnik. ԵՏՄ կառավարության ղեկավարներն ընդունեցին Եվրասիական տնտեսական միության նավթի և նավթամթերքի ընդհանուր շուկաների ձևավորման հայեցակարգը, հայտարարեց ՌԴ էներգետիկայի նախարարության ղեկավարի տեղակալ Անատոլի Յանովսկին։
«Հայեցակարգն ընդունեցին»,- լրագրողներին ասաց Յանովսկին ԵՏՄ կառավարությունների ղեկավարների խորհրդի նիստից հետո։
Ենթադրվում է, որ հետագայում այդ հայեցակարգը պետք է հաստատեն միության պետությունների ղեկավարները։
Ինչպես Երևանում ԵՏՄ միջկառավարական խորհրդի ընդլայնված նիստում ասաց Ռուսաստանի վարչապետ Դմիտրի Մեդվեդևը, «փաստաթուղթն անհրաժեշտ է, որպեսզի արդեն միջնաժամկետ հեռանկարում` մինչև 2025թ.-ը, մենք հասկանալի կանոններով, աշխատանքի հասկանալի սկզբունքներով միասնական շուկա ունենանք»։
