ԵՐԵՎԱՆ, 17 մայիսի — Sputnik. Օդի ջերմաստիճանը մայիսի 18-21-ը կնվազի 2-3 աստիճանով։ Մայիսի 22-ին սպասվում է առավելապես առանց տեղումների եղանակ: Այս մասին հայտնում է «Հայպետհիդրոմետ» ծառայությունը։
Քամին կլինի հարավարևմտյան‵ 2-7 մ/վ արագությամբ: Ամպրոպի ժամանակ հնարավոր է քամու ուժգնացում‵ 15-20 մ/վ:
Երևանում մայիսի 18-20-ը սպասվում է կարճատև անձրև և ամպրոպ, ամպրոպի ժամանակ‵ քամու ուժգնացում‵ 15-17 մ/վ: 21-ին՝ երեկոյան ժամերին, հնարավոր է ամպրոպ, անձրևի հավանականությունը փոքր է: Մայիսի 22-ին սպասվում է առանց տեղումների եղանակ:
Մայրաքաղաքում մայիսի 18-ի ցերեկային ժամերին օդի ջերմաստիճանը կկազմի 26-28, մայիսի 19-ին` 25-27, մայիսի 20-ին և 21-ին` 24-26, մայիսի 22-ին` 26-28 աստիճան տաքություն։
