ԵՐԵՎԱՆ, 16 մայիսի — Sputnik. Վիեննայում սկսվել է ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի` ապրիլյան քառօրյա պատերազմից հետո առաջին հանդիպումը:
Բանակցություններին մասնակցում են ԵԱՀԿ ՄԽ համանախագահները, ՌԴ և Ֆրանսիայի ԱԳ նախարարներ Սերգեյ Լավրովը և Ժան Մարկ Էյրոն, ԱՄՆ պետքարտուղար Ջոն Քերին:
Սկսվեց ԵԱՀԿ ՄԽ համանախագահ երկրների արտգործնախարարների մասնակցությամբ ՀՀ եւ ԱՀ նախագահների հանդիպումը #KarabakhNow pic.twitter.com/OQAyX8tzqc
— Vladimir Hakobyan (@spokesman_am) 16 мая 2016 г.
ՀՀ նախագահ Սերժ Սարգսյանը Վիեննա է մեկնել, ինչպես կարծում են հայ քաղաքագետները, բանակցությունների վերսկսման համար անհրաժեշտ 3 նախապայմանով:
Հայտարարության հաջորդ օրը ԱՄՆ պետդեպարտամենտը տեղեկացրեց, որ ԱՄՆ պետքարտուղար Ջոն Քերրին այդ օրերին կայցելի Վիեննա, որտեղ ԱՄՆ-ն Ռուսաստանի և Ֆրանսիայի հետ կհյուրընկալի Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը։
