ԵՐԵՎԱՆ, 11 մայիսի — Sputnik. Նախնական տվյալով՝ 2016 թվականի մայիսի 10-ին, ժամը 15:50-ի սահմաններում Հրազդան քաղաքի Միկրոշրջան թաղամասի 61 շենքի հարևանությամբ գտնվող թիվ 140-րդ ավտոտնակ մտնելիս «ՎԱԶ 21099» մակնիշի ավտոմեքենան վրաերթի է ենթարկել ավտոտնակի բաց դարպասի աջ անկյունում կանգնած` 10.11.2013թ. ծնված աղջկան, որի հետևանքով ստացած մարմնական վնասվածքներից փոքրիկը մահացել է:
Ինչպես հայտնում է ՀՀ քննչական կոմիտեի մամուլի ծառայությունը, դեպքի առթիվ Կոտայքի մարզային քննչական վարչությունում հարուցվել է քրեական գործ` ՀՀ քրեական օրենսգրքի 242-րդ հոդվածի 2-րդ մասով: Կատարվել է ՃՏՊ դեպքի վայրի և տրանսպորտային միջոցի զննություն:
Քրեական գործով էական նշանակություն ունեցող հանգամանքները պարզելու համար նշանակվել են փորձաքննություններ։
Նախաքննությունը շարունակվում է:
