ԵՐԵՎԱՆ, 10 մայիսի — Sputnik. Ֆուտբոլի Հայաստանի հավաքականի և Դորմունդի «Բորուսիայի» կիսապաշտպան Հենրիխ Մխիթարյանը հրաժարվել է երկարաձգել Դորտմունդի «Բորուսիայի» հետ գործող պայմանագիրը, որն ավարտվում է 2017-ի ամռանը:
Ինչպես հաղորդում է բրիտանական Mirror-ը, պատճառն այն է, որ գերմանական ակումբը նրան առաջարկում է նոր պայմանագիր, որում չկա կլաուզուլա (տրանսֆերի նվազագույն արժեքը, որին համապատասխան առաջարկ ստանալիս ակումբը պարտավոր է վաճառել ֆուտբոլիստին): Ըստ աղբյուրի՝ Լոնդոնի «Չելսիի» ղեկավարությունը կփորձի օգտվել ստեղծված իրավիճակից և ձեռք բերել Մխիթարյանին, որի ծառայություններով հետաքրքրված են նաև Լոնդոնի «Արսենալը» և Թուրինի «Յուվենտուսը»:
Ընթացիկ մրցաշրջանի 51 հանդիպումներում 27-ամյա կիսապաշտպանը կատարել է 31 գոլային փոխանցում և խփել 23 գոլ:
