ԵՐԵՎԱՆ, 9 մայիսի — Sputnik. Ռըզա Դողանն ինքը զոհված զինծառայողի մայր է։ Նրա խորին համոզմամբ` որդուն սպանել են, մինչդեռ առաջ է քաշվում ինքնասպանության վարկածը։ Սակայն սպանության գործիքի վրա մահացածի մատնահետքեր չեն հայտնաբերվել։
Դողանն ասել է նաև, որ թուրքական բանակում մահացած զինվորների ընտանիքները տարիներ շարունակ իրավական պայքար են մղում, որպեսզի բացահայտեն իրենց զավակների գիտակցաբար կամ կանխամտածված սպանված լինելու փաստերը: Մինչդեռ, նրա խոսքով, դատարանները գիտակցաբար կարճում են այդ դեպքերի առնչությամբ հարուցված քրեական գործերը։ Իսկ իրական հանցագործները քողարկվում են։
Ռըզա Դողանը համարձակ կերպով հայտարարել է, որ զինված ուժերում մահվան դեպքերի գլխավոր մեղավորը Թուրքիա պետությունն է։
