ԵՐԵՎԱՆ, 7 մայիսի — Sputnik. Մայիսի 7-ին ժամը 18-ի սահմաններում գազաբալոնի պայթյուն է տեղի ունեցել Ախուրյանի տարածաշրջանի Հովիտ գյուղում։
Նախնական տեղեկություններով` նույն գյուղի բնակիչ Մարտին Խաչատրյանը փորձել է իր Նիվա մակնիշի ավտոմեքենայում տեղադրված գազաբալոնից խողովակի օգնությամբ լիցքավորել տնային օգտագործման գազաբալոնը, արդյունքում գազաբալոնը պայթել է, մեքենայում հրդեհ է բռնկվել։
© Sputnik / Armenuhi MkhoyanԳազաբալոնի պայթյուն Հովիտ գյուղում
![Взрыв баллона Взрыв баллона - Sputnik Արմենիա](https://cdn.am.sputniknews.ru/img/1938/09/19380990_0:0:1000:563_600x0_80_0_0_0c9f4cfccf41a386075419711e4fd28d.jpg)
Գազաբալոնի պայթյուն Հովիտ գյուղում
© Sputnik / Armenuhi Mkhoyan
Հովիտ գյուղի բնակիչները հրդեհը իրենց ուժերով մեկուսացրել են, իսկ տուժածին՝ Մարտին Խաչատրյանին տեղափոխել են «Գյումրի» բժշկական կենտրոն։
Ինչպես տեղեկացրին «Գյումրի» բժշկական կենտրոնից, Մարտին Խաչատրյանին մոտ ախտորոշվել է աջ ազդրի ստորին կոտրվածք՝ տեղաշարժով, ձախ ազդրի միջային մակերեսի այրվածքներ և մարմնի այլ մասերի այրվածքներ: Հիվանդը ներկայում վիրահատվում է: