ԵՐԵՎԱՆ, 7 մայիսի — Sputnik. Մայիսի 7-ին, 10-ին և 11-ին Հայաստանի շրջանների մեծ մասում, 8-9-ը՝ առավելապես օրվա երկրորդ կեսին և գիշերվա առաջին կեսին, առանձին շրջաններում սպասվում է կարճատև անձրև և ամպրոպ, հայտնում է ԱԻՆ-ը:
Մայիսի 7-ին, 10-11-ը առանձին հատվածներում հնարավոր է կարկուտ:
Քամին կլինի հարավ-արևմտյան՝ 2-7 մ/վ արագությամբ, ամպրոպի ժամանակ հնարավոր է քամու ուժգնացում՝ 15-20 մ/վ:
Օդի ջերմաստիճանը 8-ի ցերեկը կնվազի 1-2 աստիճանով:
Երևանում մայիսի 7-ին, 10-11-ը` առավելապես օրվա երկրորդ կեսին և գիշերվա առաջին կեսին, սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-17 մ/վ:
Մայիսի 8-9-ի երեկոյան ժամերին հնարավոր է ամպրոպ, անձրևի հավանականությունը փոքր է:
Մայրաքաղաքում շաբաթ օրը ցերեկը կլինի 22-24, երեկոյան` 16-18 աստիճան տաքություն:
