ԵՐԵՎԱՆ, 7 մայիսի — Sputnik. Մայիսի 6-ի լույս 7-ի գիշերը հայ-ադրբեջանական պետական սահմանագոտու հյուսիսարևելյան հատվածում ադրբեջանական կողմը շարունակել է կրակահերթեր արձակել հայ դիրքապահների ուղղությամբ, հայտնում է ՀՀ պաշտպանության նախարարությունը:
Ըստ հաղորդման` հակառակորդն անկանոն բնույթի կրակահերթեր է արձակել տարբեր տրամաչափի հրաձգային և դիպուկահար զինատեսակներից:
ՀՀ զինված ուժերը վստահորեն վերահսկում են սահմանային իրավիճակը և համարժեք գործողությունների են դիմում միայն հակառակորդի կողմից արձանագրվող նպատակային խախտումների դեպքում:
