ԵՐԵՎԱՆ, 5 մայիսի — Sputnik. ՀՀ ԱՆ «Նուբարաշեն» ՔԿ պետ Ռուբիկ Ստեփանյանի լիազորությունները դադարեցվել են ժամանակավորապես, հայտնում է ՀՀ գլխավոր դատախազությունը
ՀՀ գլխավոր դատախազության պատիժների և հարկադրանքի այլ միջոցների ՀՀ ԱՆ «Նուբարաշեն» քրեակատարողական հիմնարկ կատարված այցելության ընթացքում ի հայտ են եկել հանգամանքներ, որոնք առերևույթ պարունակում են տեղեկություններ ՀՀ ԱՆ «Նուբարաշեն» քրեակատարողական հիմնարկի պետական հատուկ ծառայություն իրականացնող պաշտոնատար անձանց կողմից իրենց պաշտոնեական լիազորությունները չարաշահելու մասին:
«Դեպքի առթիվ ՀՀ քրեական օրենսգրքի 308-րդ հոդվածի 1-ին մասով նախատեսված հանցագործության հատկանիշներով հարուցել քրեական գործ: Քրեական գործն ուղարկել ՀՀ հատուկ քննչական ծառայություն՝ նախաքննություն կատարելու համար»,- այս մասին նշված է ՀՀ գլխավոր դատախազության հաղորդագրության մեջ:
ԶԼՄ-ների տվյալով` մայիսի 3-ին մի քանի ժամ շարունակ արտակարգ իրավիճակ է տիրել Նուբարաշենի քրեակատարողական հիմնարկում, որտեղ դիմակավորված իրավապահ համակարգի ներկայացուցիչները ինչ-որ գործողություններ են կատարել: Ըստ լրատվամիջոցների` կալանավորներն ի նշան բողոքի այրել են անկողնային պարագաները։
