ԵՐԵՎԱՆ, 3 մայիսի — Sputnik. «Հայաստանի Էլցանցեր» ՓԲԸ-ն մեկ տարվա ընթացքում ապրիլին Ղարաբաղում զոհված զինվորների և քաղաքացիական անձանց ընտանիքներին կվճարի էլեկտրաէներգիայի դիմաց, Sputnik Արմենիային հայտնել է ընկերության մամուլի քարտուղար Նատալյա Սարջանյանը։
«Այս որոշումն ուժի մեջ կմտնի մայիսի 1-ից», — ասաց Սարջանյանը։
Այս որոշումը վերաբերելու է ոչ մարտական զոհերի և զոհված քաղաքացիական անձանց 98 ընտանիքներին։ Բացի էլեկտրաէներգիայի վարձի վճարներից` ընկերությունը կմարի նրանց էլեկտրաէներգիայի օգտագործման դիմաց ունեցած պարտքը, և «Հայաստանի էլեկտրական ցանցեր» ընկերության սեփականատիրոջ նախաձեռնությամբ 500 հազարական ՀՀ դրամ կհատկացվի 2016թ. ապրիլին Արցախի սահմանների պաշտպանության համար զոհված զինծառայողների ընտանիքներին:
«Հայաստանի էլեկտրական ցանցեր» ՓԲԸ-ն «ԻՆՏԵՐ ՌԱՕ ԵԷՍ» ՓԲԸ-ի 100 տոկոսանոց դուստր ընկերությունն է։ Ընկերության հիմնական ուղղությունը էլեկտրաէներգիայի բաշխումն է Հայաստանի սպառողներին, այդ թվում` բնակչությանը։ Ընկերությունը նաև Վրաստան և ԼՂՀ էլեկտրաէներգիայի արտահանման արտոնագիր ունի։
