ԵՐԵՎԱՆ, 3 մայիսի — Sputnik. Լևոն Տեր-Պետրոսյանը, անդրադառնալով ղարաբաղյան հիմնախնդրի ներկա փուլին, ասել է, որ Հայաստանի և Արցախի իշխանությունները գործում են հաստատակամ ու վստահ, հայտնում է Արցախպրեսը։
«Կարծում եմ` իշխանությունները հանգիստ, զուսպ անում են այն, ինչ պահանջում է այսօրվա իրավիճակը»,- ասել է Լևոն Տեր-Պետրոսյանը:
Երեքշաբթի տեղի է ունեցել Արցախի Հանրապետության նախագահ Բակո Սահակյանի և Հայաստանի առաջին նախագահ Լևոն Տեր-Պետրոսյանի հանդիպումը, որի ընթացքում քննարկվել են ղարաբաղա-ադրբեջանական սահմանում ապրիլի 2-5-ը հակառակորդի կողմից սանձազերծված լայնածավալ պատերազմական գործողություններին վերաբերող մի շարք հարցեր:
Նախագահ Սահակյանը կարևորել է այս ծանր օրերին քաղաքական ուժերի ցուցաբերած միասնականությունը և նրանց դերակատարությունը մեր ժողովրդի առջև ծառացած խնդիրների լուծման գործում:
