ԵՐԵՎԱՆ, 3 ապրիլի — Sputnik. Արծրուն Հովհաննիսյանը հրաժարվեց պատասխանել լրագրողների այն հարցին, թե արդյոք ՊԲ-ն հետ է վերցրել Թալիշի ուղղությամբ կորցրած հենակետը։
«Թողեք զորքն աշխատի, կգա մի կետ ու շատ բան կներկայացվի»,-ասաց նա։
Հովհաննիսյանն ավելացրեց, որ ինչքան քիչ խոսվի առաջնթաց-հետընթացի մասին, այնքան ձեռքբերումներն ավելի ակնառու կդառնան։ Նրա խոսքով` Պաշտպանության նախարարությունն ապրիլյան պատերազմի օրերին աշխատել է բաց և թափանցիկ։
Նա չի մտաբերում աշխարհում մի երկրի բանակ, որ այսքան օպերատիվ աշխատի լրատվամիջոցների հետ։ Վերջում նա պարզապես հորդորեց սիրել հարգել ու մեծարել մեր հաղթանակած բանակին։
