Ավրորայի մասին վավերագրական ֆիլմի հեղինակը պատմաբան Էնթոնի Սլայդն է։
Տեսանյութում Ավրորան պատմում է հայերի նկատմամբ թուրքերի իրագործած վայրագությունների մասին։
«Բոլորին տեղահան արեցին և չհասած անապատ` այրեցին, այդ թվում` մայրիկիս։ Ես դա չտեսա, բայց տեսա, թե ինչպես երկու մորաքույրներիս սպանեցին հենց իմ աչքի առաջ»,- պատմում է Ավրորան։
Թուրքերը բռնել էին նրա մազերից, իսկ նա խնդրում էր, որ չսպանեն իր հարազատներին։
«Նրանք ասացին, որ վաղ թե ուշ ոչ մի ողջ հայ չի մնա` հայհոյելով մեզ և անվանելով գյավուրներ (անհավատներ)։ Նրանք ինձ մտրակով ծեծեցին, շատ ցավոտ էր»,- հիշում է Մարդիգանյանը։
1915թ.-ի Հայոց ցեղասպանությունից հրաշքով փրկված սովորական հայ աղջկա պատմությունը մինչև հիմա սրտեր է հուզում։ 20-րդ դարասկզբին Ավրորայի պատմությունը գրավել է ամերիկացիներին, դրա հիման վրա գրվել է «Հոշոտված Հայաստան» գիրքը, հետագայում գրքի մոտիվներով նկարահանվել «Հոգիների աճուրդ» ֆիլմը։ Ավրորան ֆիլմում խաղացել է իր իսկ դերը,իսկ Օսմանյան կայսրությունում ԱՄՆ դեսպան Հենրի Մորգենթաուն` իր։ 2016թ.-ին ստեղծվել է Aurora մարդասիրական մրցանակը` ի պատիվ Ավրորա Մարդիգանյանի։
