Արդեն 5-րդ տարին անընդմեջ Երևանը, միանալով աշխարհի տարբեր քաղաքներին, ապրիլի 30-ին նշում է ջազի միջազգային օրը: Կասկադ համալիրի տարածքում կազմակերպված բացօթյա համերգի ժամանակ ելույթ ունեցան հայտնի հայ ջազմեններն ու ջազբենդերը:
«Համերգային ծրագիրը կրում է «Ջազը հանուն համամարդկային արժեքների» խորագիրը, ինչը պատահական չէ. ջազը, որպես երաժշտական առանձին ոճ, ձևավորվելու առաջին իսկ օրից մշտապես խոսում է ազատության, համագործակցության, համերաշխության և խաղաղության լեզվով:
Ջազի օրվա համերգին մասնակցելու համար այս տարի Երևան էին ժամանել և հայ ճանաչված ջազմենների հետ նույն բեմում ելույթ ունեցան ջազի լեգենդ, աշխարհահռչակ բասկիթառահար Ռիչարդ Բոնան և հայտնի երգիչ Ռոբերտո Կել Տորեսը:
