ԵՐԵՎԱՆ, 30 ապրիլի — Sputnik. Լրագրողի խոսքով՝ գործընկերներին հեռացրել են այնպիսի հոդվածով, որը փոխհատուցման վճար չի նախատեսում:
«Այսօր Անկարայում փակվել է Zaman թերթի գրասենյակը, բոլոր աշխատողներն ազատված են աշխատանքից: Ընդհանուր առմամբ Zaman-ից և Cihan-ից ազատվել է ավելի քան 400 մարդ, այդ թվում՝ արտասահմանյան թղթակիցները: Ընդ որում ինձ և գործընկերներիս հեռացրել են այնպիսի հոդվածով, որով փոխհատուցման վճարներ չի նախատեսում՝ «ծառայողական դրության չարաշահում» և «կազմակերպության հեղինակության վարկաբեկում» ձևակերպումով»,- ասել է լրագրողը:
Cihan-ի աշխատողը հաստատել է, որ այդ կազմակերպության լրագրողների մեծ մասին ապրիլի 29-ին նույնպես ազատել են աշխատանքից: «Անկարայում գտնվող մասնաճյուղի 25 լրագրողից 17-ին հեռացրել են: Եթե այն ամբողջությամբ չփակվի, ապա կհամալրվի իշխանամետ ԶԼՄ-ների աշխատակիցներով, նրանցից մի քանիսն արդեն մեր փոխարեն աշխատելու հրավեր են ստացել»,- հայտնել է գործակալության զրուցակիցը:
Ապրիլի 28-ին Թուրքիայում երկու տարվա ազատարկման էին դատապարտվել Cumhuriyet («Հանրապետություն») թերթի սյունակագիրներ Հիքմեթ Չեթինքայը և Ջեյդա Քարանը, որոնք ֆրանսիական Charlie Hebdo շաբաթաթերթից վերատպել էին Մուհամմեդ մարգարեի ծաղրանկարները:
Լրագրողներն այդ նկարներn իրենց նյութերում էին տեղադրել 2015թ.-ի հունվարին Charlie Hebdo-ի խմբագրության վրա իրագործված հարձակումից հետո՝ որպես համերաշխության նշան: Դատախազությունը լրագրողներին կրոնական արժեքները վիրավորելու մեղադրանք էր առաջադրել և 4,5 տարվա ազատազրկում պահանջել:
