ԵՐԵՎԱՆ, 29 ապրիլի — Sputnik. Ապրիլի 29-30-ը, մայիսի 1-ին, 3-ին` առավելապես օրվա երկրորդ կեսին և գիշերվա առաջին կեսին, շրջանների մեծ մասում, 2-ին Լոռիում, Տավուշում, Սյունիքում և Արցախում սպասվում է կարճատև անձրև և ամպրոպ, առանձին հատվածներում հնարավոր է կարկուտ, հայտնում է ԱԻՆ-ը:
Քամին կլինի հարավ-արևմտյան` 2-7 մ/վ արագությամբ, ամպրոպի ժամանակ հնարավոր է քամու ուժգնացում` 15-20 մ/վ արագությամբ:
Օդի ջերմաստիճանն ապրիլի 29-ից մայիսի 1-ն էապես չի փոխվի, մայիսի 2-3-ի ցերեկը կբարձրանա 3-4 աստիճանով:
Երևանում ապրիլի 29-30-ը, մայիսի 1-ին, 3-ին` առավելապես օրվա երկրորդ կեսին և գիշերվա առաջին կեսին, սպասվում է կարճատև անձրև և ամպրոպ, ամպրոպի ժամանակ` քամու ուժգնացում` 15-17 մ/վ: Մայիսի 2-ին սպասվում է առանց տեղումների եղանակ:
Մայրաքաղաքում ապրիլի 29-ի ցերեկը սպասվում է 20-22, երեկոյան` 15-17 աստիճան տաքություն։
