Ապրիլի 24-ին Թուրքիայի հյուպատոսության մոտ հայերի բողոքի ակցիայի ժամանակ թուրքական գովազդները երկնքում պտտող ընկերությունը ներողություն է խնդրել հայ համայնքից:
Հիշեցնենք, որ թուրքերը երկու ժամ շարունակ ուղղաթիռով հայերի գլխավերևում պտտել են Թուրքիայի դրոշն ու իրենց ստահոդ տեղեկությունները տարածող կայքի հասցեն: Միաժամանակ գրված է եղել, թե իբր հայերը ստախոս են և կեղծում են պատմությունը:
Ինչպես Sputnik Արմենիա ռադիոկայանին պատմեց հայ համայնքի ներկայացուցիչ, գործարար Էռնա Կորկոտյանը, թուրքական ակցիան ավարտվել է երկու ժամից, որից հետո հայերը որոշել են դատի տալ ուղղաթիռային գովազդը տրամադրած ընկերությանը:
Ընկերությունից տեղեկացրել են,որ իրենք գովազդի բովանդակությանը ծանոթ չեն եղել և խոստացել են պատասխանատվության ենթարկել անբարեխիղճ հաճախորդներին, այս դեպքում`ադրբեջանա-թուրքական համայնքի ներկայացուցիչներին:
Էռնա Կորկոտյանը հատուկ Sputnik Արմենիային է տրամադրել նաև Լոս Անջելեսում ապրող հայ հայտնիների տեսակետները` Ցեղասպանության ճանաչման ու Լեռնային Ղարաբաղում տեղի ունեցող ռազմական գործողությունների վերաբերյալ`խոստանալով հետամուտ լինել հայկական խնդիրների լուծմանը Միացյալ Նահանգներում:
