ԵՐԵՎԱՆ, 27 ապրիլի — Sputnik. Ազգային ժողովում հարցուպատասխանի ժամանակ ՀՀ արդարադատության նախարար Արփինե Հովհաննիսյանն անդրադարձավ ապրիլի 23-ին պաշտոնից ազատված ԴԱՀԿ պետ Միհրան Ծառուկյանին վերաբերող թեմային։
Արփինե Հովհաննիսյանը նշեց, որ այս պահի դրությամբ Միհրան Պողոսյանի հետ կապված գործը քննվում է:
«Ով էր ճիշտ, ով էր սխալ՝ գնահատականներ հնչեցնել, կարծում եմ` ավելի ճիշտ կլինի պնդումներ անել, երբ ավարտվի քննությունը այդ գործով: Կան փաստեր, և այդ փաստերի հետ վերաբերվում են այնպես, ինչպես պետք է վերաբերվեն: Իսկ այս պահին փաստն այն է, որ պաշտոնատար անձը հրաժարական է ներկայացրել և իր հրաժարականի մեջ հիմնավոր կերպ ներկայացվել են պատճառները, որոնք դրվել են հրաժարականի հիմքում»,- ասաց Հովհաննիսյանը։
Ապրիլի սկզբին Հայաստանում ԱՄՀ առաքելության ղեկավար Հոսեյն Սամիեն իշխանությանը կոչ արեց պարզել, թե որքանով է Պողոսյանն առնչվում «պանամական գործին»։
Գերմանական Sueddeutsche Zeitung-ն ավելի վաղ հրապարակել է Mossack Fonseca պանամական իրավաբանական ընկերության փաստաթղթերը, որոնք, ինչպես պնդում է թերթը, վկայում են օֆշորային սխեմաներին մի շարք համաշխարհային առաջնորդների և նրանց մերձավորների ներգրավվածության մասին։
