ԵՐԵՎԱՆ, 27 ապրիլի- Sputnik. Ռուսաստանը շահագրգռված է իր դաշնակիցների և գործընկերների մոտ ժամանակակից սպառազինության և տեխնիկայի առկայությամբ, չորեքշաբթի ասաց ՌԴ պաշտպանության նախարարության նախարար Սերգեյ Շոյգուն։
«Մենք շահագրգռված ենք մեր դաշնակիցների և գործընկերների մոտ ժամանակակից սպառազինության և ռազմական տեխնիկայի առկայության մեջ, որն ընդունակ է հուսալի և արդյունավետ հակազդել ազգային անվտանգության մարտահրավերներին և ազգային անվտանգության սպառնալիքներին։ Մեր գործողությունների տրամաբանությունը պարզ է և հասկանալի. ՀԱՊԿ սահմանների ամրապնդումը նշանակում է Ռուսաստանի անվտանգության ուժեղացում»,- չորեքշաբթի հայտարարեց Շոյգուն Մոսկվայում միջազգային անվտանգության հարցերի 5-րդ համաժողովի ընթացքում։
Ավելի վաղ ՀՀ պաշտպանության նախարար Սեյրան Օհանյանը հայտարարել էր, որ Հայաստանի ԶՈՒ սպառազինության պաշարը գտնվում է պատշաճ մակարդակում և ապրիլյան մարտական գործողությունների ժամանակ ապահովվել է Ղարաբաղի բնակչության պաշտպանությունը։
Բացի այդ` համաժողովում կքննարկվեն Ասիական-խաղաղօվկիանոսյան տարածաշրջանի անվտանգության հարցեր, Եվրոպայում պատերազմի և խաղաղության, գլոբալ անվտանգության և ռազմական համագործակցության խնդիրները։
Նախատեսվում է հատուկ ուշադրություն դարձնել մերձավորարևելյան հակասությունների քննարկմանը, ավանդական և նոր մարտահրավերներին և միջազգային անվտանգության սպառնալիքներին, զինված ուժերի դերին «գունավոր» հեղափոխություններին հակազդելու գործում, Կենտրոնական Ասիայում անվտանգության ապահովմանը։
