ԵՐԵՎԱՆ, 26 ապրիլի — Sputnik. Ռուսաստանը 7 միլիոն դոլարի չափով ներդրում կկատարի ՄԱԿ-ի Պարենի համաշխարհային ծրագրի հիմնադրամում՝ Հայաստանի դպրոցներում կայուն սննդի համակարգի զարգացման համար։
Համապատասխան փաստաթուղթը երեքշաբթի օրը տեղադրվել է Ռուսաստանի իրավական տեղեկատվության պաշտոնական պորտալում։
ՌԴ վարչապետ Դմիտրի Մեդվեդևը հրամանագիր է ստորագրել, որի համաձայն` ՌԴ-ն 2016-2017 թվականներին մինչև 7 միլիոն դոլարի չափով ներդրում կկատարի ՄԱԿ-ի Պարենի համաշխարհային ծրագրի հիմնադրամում՝ Հայաստանի դպրոցներում կայուն սննդի համակարգի զարգացման համար։
ՌԴ ԱԳՆ-ին հանձնարարվել է տեղեկացնել ՄԱԿ-ի Պարենի համաշխարհային ծրագրին ընդունված որոշման մասին և Ռուսաստանի ֆինանսների նախարարության հետ համատեղ համաձայնեցնել գումարների օգտագործման կարգը։
