ԵՐԵՎԱՆ, 26 ապրիլի — Sputnik. Գլխավոր դատախազության մամուլի ծառայությունից հայտնում են, որ ՀՀ քրեական օրենսգրքի 279-րդ հոդվածի 3-րդ մասի հատկանիշներով (Սպառողների կյանքի կամ առողջության անվտանգության պահանջներին չհամապատասխանող ծառայություններ մատուցելը, եթե այդ արարքներն անզգուշությամբ առաջացրել են երկու կամ ավելի անձանց մահ) հարուցվել է քրեական գործ, որը գտնվում է ՀՀ ՔԿ ՀԿԳ քննության վարչության վարույթում:
Փորձագետների մասնակցությամբ քննչական խումբն իրականացրել է դեպքի վայրի զննություն, կատարվել են անհետաձգելի քննչական, դատավարական և օպերատիվ հետախուզական գործողություններ:
Պայթյունը տեղի է ունեցել Հալաբյան փողոցում, թիվ 63 երթուղու «Բոգդան» մակնիշի ավտոբուսում։ Տուժել է 7 մարդ, զոհվել՝ 2-ը:
