ԵՐԵՎԱՆ, 25 ապրիլի — Sputnik. Սրբերի և նահատակների ոգեկոչման հոգևոր արարողությունը ապրիլի 23-ին Բոստոնի Սուրբ Խաչ եկեղեցին հավաքել էր բոլոր կրոնական ուղղությունների (Կաթոլիկ, Արևելյան ուղղափառ և հայկական եկեղեցիների) հոգևոր առաջնորդներին: Այս մասին հայտնում է The Armenian Weekly-ն։
Հոգևոր հայրերի աղոթքն ու պատարագը լսելու համար եկեղեցում շուրջ 1000 հավատացյալ էր հավաքվել:
Առաջին անգամ է, որ Բոստոնի թեմը պաշտոնապես նշում է Հայոց ցեղասպանության 101-րդ տարելիցը:
«Հիշելով այն, ինչ Ֆրանցիսկոս պապն ասաց անցյալ տարի, ցանկանում ենք նշել Հայոց ցեղասպանության ժամանակ այնքան շատ մարդկանց տառապանքները` որպես հավատքի վկաներ և ընդգծել, որ քրիստոնյաների հետապնդումները շարունակվում են նաև այսօր», — ասել է կարդինալ Օ'Մելլին:
