Հայաստանում կանխատեսվում է անձրև և կարկուտ

ԵՐԵՎԱՆ, 25 ապրիլի — Sputnik. Ապրիլի 25-ին երեկոյան ժամերին տեղ-տեղ առավելապես հյուսիսային շրջաններում հնարավոր է կարճատև անձրև և ամպրոպ, 27-ին ցերեկը, 28-29-ը ժամանակ առ ժամանակ շրջանների մեծ մասում սպասվում են անձրև և ամպրոպ, առանձին հատվածներում հնարավոր է կարկուտ, հայտնում է ԱԻՆ-ը:

Ապրիլի 26-ին սպասվում է առանց տեղումների եղանակ:

Քամին կլինի հարավ-արևմտյան‵ 2-7 մ/վրկ արագությամբ, ամպրոպի ժամանակ հնարավոր է քամու ուժգնացում‵ 15-20 մ/վրկ:

Օդի ջերմաստիճանն աստիճանաբար կբարձրանա 2-3 աստիճանով:

Երևանում ապրիլի 25-26-ը սպասվում է առանց տեղումների եղանակ:

Ապրիլի 27-28-ը երեկոյան ժամերին հնարավոր է կարճատև անձրև և ամպրոպ, 29-ին ժամանակ առ ժամանակ սպասվում է անձրև, ամպրոպի ժամանակ‵ քամու ուժգնացում‵ 18-20 մ/վրկ:

Այսօր ցերեկը Երևանում կլինի 26-28, երեկոյան` 20-22 աստիճան տաքություն։