Քուվեյթի քաղաքացի Ֆահաթ Լաջմինն առաջին անգամ է Ծիծեռնակաբերդում, բայց Հայոց ցեղասպանության մասին շատ է լսել իր հայ ընկերներից
Ֆահաթ Լաջմինը Ծիծեռնակաբերդի հուշահամալիր այցելով փորձում է իր համեստ ցավակցությունն ու զորակցությունը հայտնել Ցեղասպանություն վերապրած բարեկամ ժողովրդին։ Sputnik Արմենիայի հետ զրույցում քուվեյթցի այցելուն պատմեց, որ առաջին անգամ չէ Հայաստանում, բայց առաջին անգամ է, որ իր այցը համընկել է Ցեղասպանության զոհերի հիշատակի օրվան։ Ուստի որոշել է այցելել Ծիծեռնակաբերդի հուշահամալիր։
Իսկ Ցեղասպանության մասին Ֆահաթ Լաջմինը բազում պատմություններ է լսել իր հայ ընկերներից։ Տեղյակ է, որ 1915թ.-ին միլիոնավոր հայեր Օսմանյան Թուրքիայի հայատյաց քաղաքականության զոհ դարձան։
«Կարծում եմ` Թուրքիան պետք է ներողություն խնդրի հայերից»,- ասաց մեր զրուցակիցը` համոզմունք հայտնելով, որ դա նաև աշխարհում խաղաղության հաստատման փոքրիկ նախադրյալ կարող է դառնալ։
