ԵՐԵՎԱՆ, 24 ապրիլի — Sputnik. Էկվադորում տեղի ունեցած երկրաշարժի հետևանքով ավերված շենքերի փլատակների տակ մնացած յոթ մարդու կյանք փրկած Դինգոն ուժասպառ է եղել ու սատկել, հայտնում է ՌԻԱ Նովոստին` հղում անելով El Comercio կայքին։
Շունը հաշվառված էր Իբարա քաղաքի փրկարարների ու հրշեջների կորպուսում և շատ մեծ ճանաչում ուներ, քանի որ առանձնանում էր փլատակների տակ գտնվող մարդկանց գտնելու ունակությամբ։ Չորս տարեկան լաբրադորը հասցրել էր նույնիսկ միջազգային մրցանակների արժանանալ։
Չորս օրվա ընթացքում Դայկոն անդադար աշխատել էր Պեդերնալես քաղաքի փլատակների վրա և ուժասպառ լինելուց սատկել տունդարձի ճանապարհին։ Շանը հողին են հանձնել հրշեջ ծառայության հարազատ տարածքում։
Էկվադորում 7.8 մագնիտուդով ստորգետնյա ցնցումները գրանցվել էին ապրիլի 16-ին։ Երկրաշարժի էպիկենտրոնը գտնվում էր Մուիսնե բնակավայրից 28 կմ դեպի հարավ-արևելք։ Վերջին տվյալով` երկրաշարժի զոհ է դարձել 600 մարդ։
